49
ডিফুঃ সদৌ অসম নাৰ্চ সন্থাৰ ৯ দফীয়া দাবীক লৈ যোৱা ২৬ নৱেম্বৰৰ পৰা অব্যাহত ৰখা কৰ্মবিৰতিয়ে কাৰবি আংলং জিলাৰ সদৰ চহৰ ডিফুতো ব্যাপক প্ৰভাৱ পৰিছে৷ প্ৰতিবাদকাৰী সকলে নিজৰ ন্যাৰ্য্যদাবী পূৰণৰ বাবে হাতে হাতে প্লে-কাৰ্ড ফেষ্টুন আদি লৈ প্ৰতিবাদ সাব্যস্ত কৰিছে৷
সমগ্ৰ ৰাজ্যৰ লগতে কাৰবি আংলং জিলাৰ সদৰ ডিফুতো নাৰ্চ সকলৰ ধৰ্মঘটৰ আজি আছিল চতুৰ্থ দিন। আজি পুৱাৰে পৰা ধৰ্মঘটৰত নাৰ্চ সকলে এন এইছ এমৰ ২২ গৰাকী আৰু জি এন এমৰ ৫৫ গৰাকী ছাত্ৰীক ডিফু অসামৰিক চিকিৎসালয়ত প্ৰৱেশত বাধা দিয়ে। আনহাতে ডিফু চহৰত কোনো ব্যক্তিগত নাৰ্চিং হোম নথকাত জিলাখনৰ সকলো ৰোগীৰ একমাত্ৰ ভৰসা হৈছে ডিফু অসামৰিক চিকিৎসালয়।
