পথ নিৰ্মাণত দুৰ্নীতি, ১২ ফেব্ৰুৱাৰীৰ পুৱাৰে পৰা ৪৮ ঘন্টীয়া দুলীয়াজান বন্ধ ষোষণা

দুলীয়াজানঃ উজনিৰ তৈল নগৰী দুলীয়াজান বন্ধ ঘোষণা কৰিছে ৭টাকৈ জনগোষ্ঠীয় সংগঠনে৷ ৰাইজৰ দাবীক গুৰুত্ব প্ৰদান নকৰাত ক্ষোভিত হৈ অহা ১২ ফেব্ৰুৱাৰীৰ পৰা ৪৮ ঘন্টীয়া অইলৰ বিৰুদ্ধে দুলীয়াজান বন্ধ কাৰ্যসূচী ঘোষণা কৰে সংগঠনকেইটাই।

জানিব পৰা মতে, দুলীয়াজানৰ টিপলিং তিনিআলি-ষ্টেছন পথ নিৰ্মাণ হৈ আছে যদিও ব্যাপক দুৰ্নীতি, অনিয়ম সংঘটিত হোৱাৰ লগতে শামূকীয়া গতিৰে পথটো নিৰ্মাণ কৰাত ৰাইজে ব্যাপক সমস্যাত পৰাৰ অভিযোগ উত্থাপন কৰে সংগঠনসমূহে৷ এক বিবৃতি যোগে জনগোষ্ঠীয় সংগঠন সমূহৰ ঐক্যমঞ্চই অইলে ৰাইজৰ দাবীক গুৰুত্ব প্ৰদান নকৰাৰ লগতে দুলীয়াজানৰ উন্নয়নত কিঞ্চিত পৰিমাণেও গুৰুত্ব নিদিয়া বুলি গুৰুতৰ অভিযোগ উত্থাপন কৰে৷