www.newsnextone.com| লিডুঃ তিনিচুকীয়া জিলাৰ ডিগবৈ বন সংমণ্ডলৰ অধীনৰ জাগুন বন আঞ্চলিক বিষয়াৰ কাৰ্যালয়ৰ অধীন কথাচেমা গাঁৱত যোৱা নিশা এটা বন্যহস্তী বিদ্যুত্স্পৃষ্ট হৈ মৃত্যু হোৱা ঘটনাই চাঞ্চল্যকৰ সৃষ্টি কৰিছে৷ নিশা বনৰীয়া হাতীৱে কথাচেমা সংৰক্ষিত বঞ্চানলৰ পৰা খাদ্য সন্ধানত ওলাই আহোতে ওলমি থকা এডাল তীব্ৰ বিদুৎ প্ৰবাহিত তাঁৰত বিদ্যুত্স্পৃষ্ট হৈ মৃত্যু হোৱাৰ সন্দেহ প্ৰকাশ কৰিছে স্থানীয় ৰাইজে৷
আজি পুৱাৰ ভাগত স্থানীয় ৰাইজে প্ৰথমে প্ৰত্যক্ষ কৰে মৃত হাতীটোক আৰু তাৰ পাছতে জাগুন বন কাৰ্যালয়ক খবৰ দিয়াত ঘটনাস্থলীত বন বিভাগৰ লোক উপস্থিত হৈ ঘটনাৰ তদন্ত আৰম্ভ কৰিছে ৷
উল্লেখ্য যে এলেকাটোৰ সংৰক্ষিত বনাঞ্চল সমূহত একাংশ বন দুস্কৃতিকাৰীয়ে অবাধ গতিত বন ধংসযজ্ঞ অব্যাহত ৰখাৰ ফলত প্ৰায়ে বনৰীয়া বন্যহস্তী সমূহ খাদ্যৰ সন্ধানত জনাঞ্চললৈ আগমন ঘটে আৰু এনেদৰে অকাল মৃত্যুক আকোৱালি ল’ব লগা হয়৷
হাতী মানুহৰ সংঘাত অঞ্চলটোত কোনো নতুন ঘটনা নহয়৷ কিন্তু ইয়াৰ পাছতে স্থানীয় বন বিভাগৰ মৌনতা হে ৰহস্যৰ আৱৰ্তত৷ কিয় বন বিভাগে বন দুস্কৃতিকাৰীক নাকী লগোৱাত ব্যৰ্থ হৈছে তাক লৈ এতিয়া সচেতন মহলৰ মাজত চৰ্চা চলিছে৷