ডিজিটেল ডেস্কঃ মাহাৰাষ্ট্ৰত মাওবাদীৰ বিৰুদ্ধে বৃহৎ অভিযান অব্যাহত আছে৷ শনিবাৰে নিশাৰে পৰা চলা অভিযানত এতিয়ালৈ ১৪ গৰাকী মাওবাদী নিহত হৈছে৷ আৰক্ষীৰ সৈতে সংঘৰ্ষত নিহত হৈছে আটাইকেইজন মাওবাদী৷ মহাৰাষ্ট্ৰৰ গাঢ়চিৰোলিত সংঘটিত হৈছে এই সংঘৰ্ষ৷
In Maharashtra's Gadchiroli, 14 Maoists killed in encounter https://t.co/3GvJ8W2aPq pic.twitter.com/rKVWrp6B3c
— NDTV (@ndtv) April 22, 2018
মহাৰাষ্ট্ৰৰ আৰক্ষী সঞ্চালক প্ৰধান সতীশ মাধুৰে জনোৱা মতে, আৰক্ষীয়ে বিশেষ খবৰৰ ভিত্তিত অতৰ্কিতে অভিযান চলাই ৰাজ্যখনৰ ভামৰাগঢ়ৰ টাওগাঁৱৰ অটব্য জংঘলত অভিযান চলাই৷ অভিযানৰ সময়তে এটি অস্ত্ৰধাৰী মাওবাদীৰ দলৰ সৈতে মুখামুখি হয় আৰক্ষীৰ৷ তাৰ পিছতে সংঘৰ্ষ লাগে দুয়োদলৰ৷
মুঠ ১৪গৰাকী মাওবাদীৰ মৃত্যু হয় আৰু ইয়াৰে দুগৰাকী জিলা পৰ্যায়ৰ নেতা আছিল৷ আৰক্ষী সঞ্চালক প্ৰধান সতীশ মাধুৰে ইয়াক গুৰুত্বপূৰ্ণ অভিযান আখ্যা দি আৰক্ষীক দলক ধন্যবাদ জনায়৷ নিৰাপত্তাৰক্ষীক লক্ষ্য কৰি বাৰে বাৰে মাওবাদীয়ে আক্ৰমণ কাণ্ড সংঘটিত কৰি অহাৰ সময়তে মহাৰাষ্ট্ৰৰ চি-৬০ আৰক্ষীৰ দলে সফল অভিযান চলাই৷