বৰডুমচাত আলফাৰে সংঘৰ্ষ, আৰক্ষী বিষয়াৰ মৃত্যু, নিহত ২ আলফা, জালত ২ মহিলা কেডাৰ

তিনিচুকীয়াঃ তিনিচুকীয়া জিলাৰ বৰডুমচাৰ কুজুপথাৰত আলফা স্বাধীন আৰু আৰক্ষীৰ মাজত সংঘটিত সংঘৰ্ষত এগৰাকী যুৱ আৰক্ষীৰ বিষয়াৰ মৃত্যু হোৱাৰ বাতৰিয়ে তীব্ৰ চাঞ্চল্যৰ সৃষ্টি কৰিছে। 

আলফা স্বাধীনেৰে আৰক্ষী-সেনাৰ সংঘৰ্ষত গুলীবিদ্ধ হৈ চিকিৎসালয়ত মৃত্যুক আকোৱালি লয় বৰডুমচা আৰক্ষী থানাৰ ভাৰপ্ৰাপ্ত বিষয়া ভাস্কৰ কলিতাই। জানিব পৰা মতে, দিনৰ পাৰয় ১২ বজাত আলফাৰ দল এটা বৰডুমচাত প্ৰৱেশৰ খবৰ লাভ কৰিছিল আৰক্ষীয়ে৷