মোৰাঝাৰ ষ্টেট বেংকত কৃষি ঋণ কেলেংকাৰী, গ্ৰেপ্তাৰ প্ৰাক্তন বিষয়া

মোৰাঝাৰঃ ভাৰতীয় ষ্টেট বেংকৰ হোজাই জিলাৰ মোৰাঝাৰ ষ্টেট বেংকত সংঘটিত কোটি টকীয়া কৃষি ঋণ কেলেংকাৰীত জড়িত পঞ্চমজন অভিযুক্তক  আৰক্ষীয়ে গ্ৰেপ্তাৰ কৰিবলৈ সক্ষম হয়৷ গ্ৰেপ্তাৰ কৰা লোকজন বেংকৰ প্ৰাক্তন ঋণ বিষয়া প্ৰদীপ কুমাৰ মিথি৷

উল্লেখ্য যে ২০১৪ চনৰ পৰা ২০১৭ চনলৈ মোৰাঝাৰ ষ্টেট বেংকত কাৰ্যনিৰ্বাহ কৰিছিল বিষয়াজনে৷ কাৰ্যনিৰ্বাহ কৰি থকাৰ সময়তে বেংকৰ শাখা প্ৰৱন্ধক আৰু একাংশ দালালৰ সৈতে মিলি  কোটি টকাৰ কৃষি ঋণ কেলেংকাৰী সংঘটিত কৰিছিল৷ এই বৃহৎ কেলেংকাৰী সন্দৰ্ভত মোৰাঝাৰ থানাত কেবাটাও গোচৰ ৰুজু হৈছে৷