73
কোকিলা/তেজপুৰঃ এটি মোবাইল ফোনৰ লোভত আনৰ হৈ পৰীক্ষা দিবলৈ আহি জেলৰ ভাত খালে মণিৰুল ইছলাম নামৰ যুৱক এজনে৷ বঙাইগাঁৱৰ মাণিকপুৰত আনৰ হৈ হাইস্কুল শিক্ষান্ত পৰীক্ষাৰ কম্পাৰ্টমেণ্টেল পৰীক্ষা দিবলৈ আহি আৰক্ষীৰ জালত পৰে মণিৰুল ইছলাম নামৰ এজন যুৱক।
ছফিকুল নামৰ এগৰাকী পৰীক্ষাৰ্থীৰ হৈ পৰীক্ষা দিবলৈ আহিছিল মণিৰুল ইছলামে। ৰূপজ্যোতি হাইস্কুলৰ ৰোল-১৭০০৬, নং-০৩২৪ নম্বৰৰ ছাত্ৰ আছিল ছফিকুল। নিৰীক্ষকৰ সন্দেহ ওপজাত পৰীক্ষাৰ্থীজনক জেৰা কৰাত ভুৱা পৰীক্ষাৰ্থী বুলি স্বীকাৰ কৰে মণিৰুল ইছলামে।
