ধনশিৰিত বানৰ তাণ্ডৱ, জলমগ্ন বিস্তীৰ্ণ অঞ্চল

ধনশিৰিঃ বানৰ কবলত পৰি আজিও ককবকাই আছে ৰাজ্যৰ ভিন্ন প্ৰান্তৰ লোক৷ গোলাঘাট আৰু কাৰ্বি আংলং জিলাৰ মাজেৰে বৈ যোৱা ধনশিৰি নৈৰ বাঢ়নী পানীয়ে ধনশিৰি মহকুমাৰ বৰপথাৰ, সৰুপথাৰ, নাওজান, চুঙাজান আদি এলেকাৰ বহু গাঁও বুৰাই পেলায়।

মহকুমাটোত ১৯৮৫-৯৮৬ চনৰ পিছত এইবেলি পুনৰ বানৰ কবলত পৰাত আশ্ৰয় শিবিৰত থাকিব লগা হৈছে৷ মহকুমাটোৰ ১নং চুঙাজান ব্লক, জ্যােতিবন, ২নং কৈৰিগাঁৱ, ১নং পাৰঘাট, ১ আৰু ২নং পদুমনি, শিঙিমাৰি, ধনশিৰি পাৰ, বিলপথাৰ, নগাজুৰি কাৰ্বি আংলংৰ হলৌখোৱা, পুৰণা বৰপথাৰ, নগাখুলি আদি অঞ্চলৰ প্ৰায় ৫০০টা পৰিয়াল বানত ক্ষতিগ্ৰস্ত হৈছে৷