কোনে খালে সাংসদ আৰ পি শৰ্মাৰ ৫০ লাখ? ক্ষুব্ধ ৰাইজ

ঢেকীয়াজুলিঃ শোণিতপুৰ জিলাৰ বৰছলা বিধানসভা সমষ্টিৰ নবিল অঞ্চলত গাভৰু নৈৰ ভয়াৱহ খহনীয়াৰ পৰা ৰক্ষা কৰিবলৈ এতিয়া উঠি পৰি লাগিছে জলসম্পদ বিভাগৰ তেজপুৰ সংমণ্ডল৷ নৈখনৰ আগ্ৰাসনত যি কোনো মুহূৰ্ততে ছিঙি যাব পাৰে ইমান দিনে নবিল অঞ্চলক অক্ষত কৰি ৰখা এটা গুৰুত্বপূৰ্ণ মথাউৰি৷ এই ভৰ বাৰিষা নৈখনে কালৰূপ ধাৰণ কৰি প্ৰায় খহাই পেলোৱা মথাউৰিটোৰ এটা অংশ দিনে-ৰাতিয়ে পহৰা দিবলগীয়া হৈছে নবিলবাসীয়ে৷ 

সমান্তৰালকৈ জলসম্পদ বিভাগৰ দুই এক কৰ্মচাৰী আৰু একাংশ ঠিকাদাৰেও মথাউৰিটো অক্ষত ৰাখিবৰ বাবে যাৱতীয় কাম-কাজ আৰম্ভ কৰিছে৷ ইফালে, মথাউৰিটোৰ ইটোপাৰে বসবাস কৰা ৰাইজে সাম্ভাব্য বিপদৰ পৰা ৰক্ষা পাবৰ বাবে তালি-টোপোলা বান্ধি নিৰাপদ দূৰত্বত অৱস্থান কৰিছে৷ এনেদৰে নবিল অঞ্চলত বসবাস কৰা কৃষিজীৱি ৰাইজে বছৰৰ পিছত বছৰ ধৰি শংকাৰ মাজেৰে দিন পাৰ কৰি আহিছে।