58
newsnextone.com | লিডুঃ তিনিচুকীয়া জিলাৰ অসম-অৰুণাচল সীমান্তৰ জনসাধাৰণে জীৱন আৰু সম্পত্তিৰ সুৰক্ষাৰ আশংকাত দিন পাৰ কৰিব লগা হৈছে৷ সৰ্বসাধাৰণক সুৰক্ষা দিয়াৰ বাবে নিয়োজিত হৈ থকা নিৰাপত্তাৰক্ষীয়ে অসমীয়া জনসাধৰণক সুৰক্ষা দিব পৰা নাই বুলি বাৰে বাৰে অভিযোগ উত্থাপন হৈ আহিছে৷ চৰকাৰ সলনি হয় যদিও অসম-অৰুণাচল সীমান্তৰ অসমীয়া সুৰক্ষিত নহয়৷ প্ৰাণৰ সংশয়ত প্ৰতিটো দিন পাৰ কৰে তিনিচুকীয়াৰ অসমীয়াই৷
কিয়নো সীমান্তত সক্ৰিয় হৈ থকা উগ্ৰপন্থী গোট সমূহে লক্ষ্য কৰি লৈছে সাধৰণ নাগৰিকক৷ ব্যৱসায়ীক অপহৰণ, ব্যৱসায়ীক গুলীয়াই হত্যা, সাধাৰণ গঞাক আক্ৰমণ, টেংকাৰত আক্ৰমণ আদি কাৰ্য সংঘটিত কৰি আহিছে৷ উজনি অসমৰ তিনিচুকীয়া জিলা আৰু চুবুৰীয়া ৰাজ্য অৰুণাচল প্ৰদেশত আলফা স্বাধীনৰ কেতবোৰ কূটাঘাতমূলক কাৰ্যই জনসাধৰণক শংকিত কৰি তুলিছে৷
