newsnextone.com ||ডিজিটেল ডেস্কঃ আজি পুৱা হৃদ ৰোগত আক্ৰান্ত হৈ মৃত্যু হয় গুণ মহন্তৰ।কিছুদিন ধৰি অসুস্থ হৈ আছিল তেওঁ।আজি পুৱা হঠাত অসুস্থ হৈ পৰাত চিকিৎসাৰ বাবে নগাঁৱৰ জি ডি হাস্পতাললৈ লৈ অহা হৈছিল যদিও, চিকিৎসালয় পোৱাৰ আগতেই বিশিষ্ট অভিনেতাজনৰ মৃত্যু ঘটে।
অসমৰ সাংস্কৃতিক জগতৰ সকলোৰে এক সু-পৰিচিত নাম গুণ মহন্ত।নিখুত অভিনয়ৰে আৰু মুখৰ মিঠা হাঁহিৰে যিকোনো মানুহক আপোন কৰিব পৰা সৰল মনৰ মানুহজন হেৰাই গল।তেখেতৰ মৃত্যুত অসমৰ সাংস্কৃতিক জগতৰ এক অপূৰণীয় ক্ষতি।প্ৰায় ৫০খনৰো অধিক অসমীয়া ছবিত অভিনয় কৰিছিল গুণ মহন্তই।নগাঁৱৰ সংস্কৃতি-সাহিত্য ক্ষেত্ৰতখনৰ জড়িত অছিল তেওঁ।এসময়ত ভি চি ডি ছবিৰো এখন চিনাকী এইগৰাকী অভিনেতা।
দূৰদৰ্শনযোগে সম্প্ৰচাৰিত নাটক ‘অহল্যা উদ্ধাৰ’, ‘সংক্ৰমণ’ আছিল গুণ মহন্তৰ অভিনয়ৰ অন্য এক চানেকি। অসমীয়া ছবিত গুণ মহন্তই দীৰ্ঘদিন ধৰি কাম কৰিছিল। তেওঁ অভিনয় কৰা ছবিসমূহ আছিল- অগ্নিগৰ, ৰণাংগিনী, শেষ উপহাৰ, প্ৰেম আৰু প্ৰেম, মৰম নদী, গাভৰু ঘাট, এই মৰম তোমাৰ বাবে, মন, মাঘত মামনীৰ বিয়া, মিঠা মিঠা লগণ, বন্ধন, মনে মনে অজানিতে, হেঁপাহ, সৰু বোৱাৰী, জেতুকা পাতৰ দৰে, কাঞ্চন, তোমাৰ প্ৰেমত পৰি, টি আৰ পি দ্য লাষ্ট ৰেট, চোৰেন চোৰৰ পুতেক, কাদম্বৰী, ৰং, অনুৰাগ আদি।
এইগৰাকী বিশিষ্ট অভিনেতাৰ মৃত্যুৰ খবৰে সমগ্ৰ ৰাজ্যত শোকাকুল পৰিবেশৰ সৃষ্টি কৰিছে। গুণ মহন্তৰ মৃত্যুত শোক ব্যক্ত কৰিছে প্ৰাক্তন মুখ্যমন্ত্ৰী প্ৰফুল্ল কুমাৰ মহন্তই।