তৃতীয় পৰ্যায়ৰ গুণোৎসৱৰ শুকুৰবাৰে তৃতীয় দিন, গোলাঘাটত ব্যস্ততা

দেৰগাঁওঃ ৩ জানুৱাৰীৰ পৰা আৰম্ভ হোৱা গুণোৎসৱৰ শুকুৰবাৰে তৃতীয় দিন৷ ৰাজ্যৰ ১৩ জিলাৰ শিক্ষানুষ্ঠান সমূহ শুকুৰবাৰে পুৱাৰে পৰা ব্যাপক ব্যস্ত হৈ পৰা দেখা যায়৷ ৩ জানুৱাৰীৰ পুৱাৰে পৰা আৰম্ভ হোৱা শিক্ষক, ছাত্ৰ-ছাত্ৰী সকলোৱে যোৱা দুটা দিনৰ দৰে শুকুৰবাৰেও ব্যস্ত হৈ পৰিছে গুণোৎসৱৰ বাবে৷ দ্বিতীয় পৰ্যায়ৰ গুণোৎসৱৰ ফলাফল ঘোষণাৰ পিছতে তৃতীয় পৰ্যায়ৰ গুণোৎসৱ আৰম্ভ হয় ৩ জানুৱাৰীৰ পৰা৷

গুণোৎসৱ নিয়াৰিকৈ সম্পন্ন কৰি উন্নত ফলাফল প্ৰদৰ্শন কৰাৰ বাবে ইতিমধ্যে প্ৰতিটো শিক্ষা খণ্ডৰ প্ৰতিখন বিদ্যালয়ে ব্যস্ত হৈ পৰিছে৷ গুণোৎসৱৰ বাবেই বিদ্যালয়সমুহো ন-ৰূপত সজাই তুলিছে। বিদ্যালয়সমুহত ছাত্ৰ ছাত্ৰীৰ প্ৰয়োজন অনুপাতে শিক্ষকৰ অভাৱ, বিভিন্ন সমস্যাৰে ভাৰাক্ৰান্ত হোৱা সত্বেও প্ৰতিখন বিদ্যালয়ে গুণোৎসৱক যাতে ভাল ফলাফল লাভ কৰিব পাৰে তাকে লৈ আৰম্ভ কৰিছিল ব্যাপক প্ৰস্তুতি।