হজ যাত্ৰীক সম্বর্ধনা কৃষ্ণ ৰাস মহোৎসৱ সমিতিৰ

জয়সাগৰঃ হিন্দু আৰু মুছলমানৰ সম্প্ৰীতিৰ এনাজৰীডাল আজিও কটকটীয়া হৈ আছে অসমত৷ কৃষ্ণ ৰাস মহোৎসৱ সমিতিয়ে হজ যাত্ৰীক সম্বর্ধনা তথা শুভেচ্ছা যাচি ইয়াকে আৰু এবাৰ প্ৰমাণ কৰিলে৷

সম্প্ৰীতিৰ পৱিত্ৰ মিলনভূমি শিৱসাগৰৰ বগীদল আৰু মেছাগড় সিংহ দুৱাৰবাসী ৰাইজে দেওবাৰে হজযাত্ৰীক সম্বৰ্ধনা যাচে। ইতিহাস প্ৰসিদ্ধ অঞ্চলটোৰ সিংহ দুৱাৰত অৱস্থিত মছজিদ সমিটিৰ উদ্যোগত আয়োজিত এক গাম্ভীৰ্যপূৰ্ণ অনুষ্ঠানত আগন্তুক পৱিত্ৰ হজত যাবলগীয়া লোকসকলক মছজিদ সমিতি তথা আঞ্চলিক শ্ৰী শ্ৰী কৃষ্ণ ৰাস মহোৎসৱ (বগীদল) সমিতিয়ে সম্বর্ধনা তথা শুভেচ্ছা জ্ঞাপন কৰে৷