65
লংকাঃ হোজাই জিলাৰ অন্তৰ্গত লংকাৰ চতুৰ্থ শ্ৰেণীৰ অধ্যায়নৰত এজন ছাত্ৰৰ জীৱনৰ কৰুণ কাহিনী শুনিলে সকলোৰে হৃদয় শোকাছন্ন হৈ পৰিব। লংকাৰ নিৱাসী বিজয় বৰ্মন আৰু অাল্পনা বৰ্মনৰ আঠ বছৰীয়া একমাত্ৰ পুত্ৰ সুমনে পখিলা খেদাৰ বয়সত এক জটিল ৰোগত আক্ৰান্ত হৈ দুৰ্বিসহ জীৱন কটাবলগীয়া হৈছে।
জন্মৰ চাৰি বছৰ বয়সতে ৰোগত আক্ৰান্ত হোৱা সুমনৰ চিকিৎসাৰ বাবে পিতৃ-মাতৃয়ে বহু ধন খৰচ কৰিও আজিলৈকে সন্তানটিক সুস্থ কৰি তুলিব পৰা নাই। অতি দৰিদ্ৰ পৰিয়ালৰ হোৱা হেতুকে ধনৰ অভাৱত সন্তানটিৰ মুখলৈ চাই নিজৰ ঘৰ-মাটি বিক্ৰী কৰি পোৱা সমস্ত ধন সুমনৰ চিকৎসাত ব্যয় কৰিও সুমন সুষ্ট নোহোৱাত ভাগৰি পৰিছে পিতৃ-মাতৃ।
