বিশ্ববিদ্যালয় হ’ল হোজাই মহাবিদ্যালয়, সমস্যাৰ সমাধান কেতিয়ালৈ?

মোৰাঝাৰঃ ঐতিহাসিক নগাঁও জিলাৰ তিনিটা মহকুমা নগাঁও, হোজাই আৰু কলিয়াব৷ তিনিটা মহকুমাৰ ভিতৰত অন্যতম হোজাই মহকুমা৷ নগাঁৱৰ সাহিত্য, সংস্কৃতি, পৰম্পৰা, ঐতিহ্যৰ সৈতে হোজাই মহকুমাৰ লোকসকল একাত্ম হৈ আছিল৷ হাত হাত ধৰি তিনিওটা মহকুমাৰ লোকসকলে নগাঁও জিলাক আগুৱাই নিছিল৷ নগাঁও চহৰৰ পৰা প্ৰায় ৬০ কিঃ মিঃ নিলগত দক্ষিণ দিশে হোজাই মহকুমা।

২০১১ চনৰ লোক-পিয়ল অনুসৰি হোজাই মহকুমাৰ অন্তৰ্গত ১৮৪ খন গাঁৱৰ জনসংখ্যা ৩,৪৭,৬২৭ গৰাকী।হোজাই মহকুমাৰ সদৰ আছিল শংকৰদেৱ নগৰ৷ হোজাই মহকুমাটোৰ লোকসকল মূলত কৃষিজীৱি৷ ব্যৱসায়ী আৰু চাকৰিজীৱী লোকৰ সংখ্যা বহু কম মহকুমাটোত৷ ৰাজ্যৰ ভিতৰতে হোজাই মহকুমাত প্ৰচুৰ পৰিমাণে ধান আৰু খাদ্য-শস্য উৎপাদন হয়৷