৭ যুৱতীৰ সৈতে আই নৈৰ পাৰত বাবাৰ তন্ত্ৰ-মন্ত্ৰ

কোকিলাঃ চৰকাৰ নহয়, এগৰাকী বাবাই তন্ত্ৰ-মন্ত্ৰৰে ৰোধ কৰিব আই নৈৰ গৰাখহনীয়া৷ সাতগৰাকীকৈ মূৰত কাপোৰ বন্ধা নাৰীক লগত লৈ বাবাই আৰম্ভ কৰিছে গৰাখহনীয়া ৰোধৰ সাধনা৷ ৰঙা বস্ত্ৰ দেহত মেৰিয়াই স্থানীয় সহজ-সৰল গঞাক লগত লৈ নদীৰ পাৰ পৰিভ্ৰমণ কৰি বাবাই জপিব মন্ত্ৰ৷

গৰাখহনীয়াত সৰ্বস্বান্ত হোৱা বঙাইগাঁও, ধুবুৰী জিলাৰ   মাণিকপুৰৰ টেনটনপুৰ, কাঁহীবাৰী, হালধিবাৰী, তিলপুখুৰী, চিল্লাপাৰা আদি গাঁৱৰ লোকৰ ওচৰত থিয় দিছে এইজন বাবা৷ ত্ৰাণকৰ্তাৰ ৰূপত আৱিৰ্ভাৱ হোৱা বাবাৰ নাম হ’ল আব্দুল গফুৰ।