54
গোসাঁইগাঁওঃ গোসাঁইগাঁও মহকুমাৰ অসম-বংগ সীমান্তৰ সোণকোষ নদীৰ সমীপত বংগ আৰক্ষী সহযোগত মানি চেৰেটিবল ট্ৰাষ্ট নামৰ এটি সংস্থাই ট্ৰাক চালকৰ পৰা বলপূৰ্বক ধন সংগ্ৰহ কৰাৰ ঘটনাই ট্ৰাক চালকসকলৰ মাজত প্ৰতিক্ৰিয়াৰ সৃষ্টি কৰিছে।
সংস্থাটোয়ে প্ৰতিখন ট্ৰাকৰ পৰা তিনিশ টকা (৩০০) আদায় লোৱাৰ পৰিবৰ্তে এখন কৈ ষ্টিকাৰ দিয়ে। যিসকল চালকে দাবী কৰা মতে ধন আদায় নিদিয়ে, সেই সকল চালকক মাৰপিট কৰি বলপূৰ্বক টকা সংগ্ৰহ কৰাৰ অভিযোগ উত্থাপিত হৈছে।
এই কাৰ্যত বংগ আৰক্ষীয়ে সহযোগিতা আগবঢ়োৱাৰ অভিযোগ উঠিছে। ৰাষ্ট্ৰীয় ঘাইপথত এনেদৰে ধন সংগ্ৰহ কৰাৰ পাছতো বংগ প্ৰশাসনে কোনো ব্যৱস্থা গ্ৰহণ নকৰাত ৰাজ্যৰ শাসনৰ গাদীত থকা তৃণমূল কংগ্ৰেছ চৰকাৰৰ তথা অসম চৰকাৰৰ আৰক্ষী বিভাগক সমালোচনা কৰিছে স্থানীয় মহলে।
