লোকে লোকাৰণ্য কাৰ্বি পাহাৰৰ তাৰালাংচ, আকৰ্ষিত কৰিছে কাৰ্বি যুৱ মহোৎসৱৰ সুউচ্চ নথেংপিয়ে

ডিফুঃ সৰু-বৰ পাহাৰৰ নৈসৰ্গিক প্ৰাকৃতিক সমাহাৰেৰে ভৰপুৰ কাৰ্বি পাহৰত উখল মাখল পৰিৱেশ৷ কাৰ্বি য়ুথ ফেষ্টিভেলে গৌৰৱোজ্জল ৪৪ বৰ্ষত ভৰি দিলে৷ কাৰ্বি আংলং জিলাবাসীয়ে সগৌৰৱে বৃহস্পতিবাৰৰ পৰা ৫ দিনীয়া কাৰ্যসূচীৰে কাৰ্বি সকলৰ পৰাম্পৰাগত কাৰ্বি যুৱ মহোৎসৱ উৎযাপান কৰিছে৷ কাৰ্বি পৰাম্পৰাগত আৰ্হিৰ মণ্ডপ, পিনি, পেকক, ৱামকক পিন্ধি কাৰ্বি যুৱতী সকলে পৰাম্পৰাগত নৃত্যৰে দৰ্শকক মোহিত কৰিবলৈ সাজু হৈছে৷ জনজাতীয় পৰাম্পৰাগত সাজ-পোছাক, নৃত্যৰে মুখৰিত হৈ পৰিছে কাৰ্বি পাহাৰৰ চৌদিশ৷