50
জাজৰিঃ নগাঁও আৰু মৰিগাঁও জিলাৰ সীমান্তৱৰ্তী বৰিবজাৰ আৰক্ষী পহৰা চকীৰ অন্তৰ্গত কহুঁৱাটিত দেওবাৰে সন্ধিয়া ৬:২৬ বজাত সংঘটিত হোৱা এক শোকাৱহ পথ দুৰ্ঘটনাত দুজন লোক নিহত হোৱাৰ লগতে এজন লোক গুৰুতৰভাৱে আহত হয়৷
প্ৰাপ্ত তথ্য মতে, গুণজিৎ নাথ (২৪) আৰু ৰাতুল নাথ নামৰ যুৱক দুজনে এছ ০২ কিউ ৪৯১৪ নম্বৰৰ পালচাৰ বাইকেৰে অসম সাহিত্য সভাৰ ৰহাৰ অধিৱেশনৰ পৰা ধিং অভিমুখে আহি থকা অৱস্থাত জাজৰি-ধিং সংযোগী গড়কাপ্তানি পথৰ কহুঁৱাটি চাৰিআলিৰপৰা ১০০ মিটাৰ নিলগত চাইকেল আৰোহী লাল সিং দাস (৬০)ৰ লগত মুখামুখি সংঘৰ্ষ হোৱাত দুৰ্ঘটনাটো সংঘটিত হয়।