ৰফিকুল ইছলাম, জলেশ্বৰঃ 'বোকাত ফুলে পদুম’l সদ্য ঘোষিত হাইস্কুল শিক্ষান্ত পৰীক্ষাতো নহ’ল ইয়াৰ ব্যতিক্ৰম।

ৰাজ্যৰ ভিন্ন প্ৰান্তত উজলিল বোকাৰ পদুমl ঠিক তেনেদৰে ধুবুৰীৰ ফকিৰগঞ্জতো উজলিছে এগৰাকী বোকাৰ পদুমl অতিশয় দৰিদ্ৰ পৰিয়ালৰ মাশীদুৰ ৰহমান নামৰ এগৰাকী ছাত্রই সদ্য ঘোষিত হাইস্কুল শিক্ষান্ত পৰীক্ষাত প্ৰতিটো বিষয়ত গড়ে 95% শতাংশ নম্বৰ লাভ কৰি গৌৰৱ কঢ়িয়াই আনিছে ফকিৰগঞ্জলৈl

দৰিদ্ৰতাক নেওচি মাশীদুৰে হাইস্কুল শিক্ষান্ত চুড়ান্ত পৰীক্ষাত লাভ কৰিলে সৰ্বমুঠ 570 নম্বৰl মাশীদুৰ ফকিৰগঞ্জ অন্যোষা শিকশা নিকেতনৰ ছাত্রl চুৰান্ত ফলাফল অনুসৰি মাশীদুৰে লাভ কৰিছে গণিতত ১০০ নম্বৰ, ইংৰাজীত ৯৬, অসমীয়াত ৮৩, সাধাৰণ বিজ্ঞানত ৯৭, সমাজ বিজ্ঞানত ৯৯ আৰু ঐচ্ছিক গণিতত ৯৫ নম্বৰl

ছাত্রজনৰ এই সাফল্যৰ অন্তৰালত পিতৃ-মাতৃৰ লগতে আছে আন এজন ব্যক্তিl তেওঁ হৈছে অন্যোষা শিকশা নিকেতনৰ শিক্ষক ছামছ উদ্দিনl চূড়ান্ত পৰীক্ষাৰ পূৰ্বে শিক্ষকগৰাকীয়ে ছাত্রজনক নিজা তত্বাৱধানত ৰাখিছিলl

সদ্য ঘোষিত ফলাফলত ছাত্রজনৰ সাফল্যত অতিশয় উৎফল্লিত হৈ পৰিছে শিক্ষকগৰাকীl মন কৰিবলগীয়া যে অতিশয় দৰিদ্ৰ পৰিয়ালৰ ছাত্র মাশীদুৰl পিতৃয়ে খেতি-বাতি কৰি কোনোমতে পৰিয়াল পোহপাল দিয়েl

মাশীদুৰক উচ্চ শিক্ষিত কৰিবলৈ পিতৃৰ হাতত নাই প্ৰয়োজনীয় ধনl সেয়ে চৰকাৰলৈ কাতৰ মিনতি মাশীদুৰৰ পিতৃৰl

আনফালে এশ শতাংশ উত্তীৰ্ণৰে ফকিৰগঞ্জত উজলিছে অন্যোষা শিকশা নিকেতনl কিয়নো এইবেলি হাইস্কুল শিক্ষান্ত পৰীক্ষাত বিদ্যালয়খনৰপৰা মুঠ ৪০ গৰাকী ছাত্ৰী-ছাত্ৰীয়ে চূড়ান্ত পৰীক্ষাত অৱতীৰ্ণ হৈছিলl 

তাৰে ভিতৰত ৪ জনে ডিচ্টিংশ্যন পোৱাৰ লগতে ১৭ জনে পাইছে ষ্টাৰ, আকৌ ১৫ জন ছাত্র-ছাত্রীয়ে লেটাৰসহ প্ৰথম বিভাগত উত্তীৰ্ণ হোৱাৰ লগতে ৪ জনে দ্বিতীয় বিভাগত উত্তীৰ্ণ হ’বলৈ সক্ষম হৈছেl 

ব্যক্তিগত খণ্ডৰ বিদ্যালয়খনৰ ফলাফলত বৰুকৈয়ে উৎফল্লিত হৈ পৰিছে ফকিৰগঞ্জ অঞ্চলৰ ৰাইজl আনফালে মাশীদুৰৰ এই সাফল্যত ছাত্রজনলৈ শুভেচ্ছা জনাইছে আছুৱেl দক্ষিণ শালমাৰা মানকাচৰ মহকুমা আছুৰ সাধাৰণ সম্পাদক শ্বৰিফুল ইছলাম প্ৰধানী আৰু উপ-সভাপতি শাহীন জাবেদে ছাত্রজনক ফুলাম গামোচাৰে সম্বৰ্ধনা জনাই শুভেচ্ছা জ্ঞাপন কৰেl