41
newsnextone.com | মোৰাঝাৰঃ অসমৰ সংখ্যালঘূক লৈ ৰাজনীতি কৰি অহা আজমল পৰিয়াল সঁচাকৈ সংখ্যালঘুৰ ক্ৰাণকৰ্তা নে? সংখ্যালঘুৰ সমস্যাক লৈ তেওঁলোকে মূৰ ঘমাই নে৷ এতিয়া এনেবোৰ প্ৰশ্ন ৰাজ্যৰ সংখ্যালঘূ এলেকাত উত্থাপন হৈ আহিছে৷ আজিও ৰাজ্যৰ সংখ্যালঘূ এলেকাৰ লোকে এটুপি খোৱা পানীৰ পৰা দেহ ঢাকিবলৈ এটুকুৰা বস্ত্ৰ, এমুঠি অন্নৰ বাবে হাহাকাৰ কৰিব লগা হয়৷
ৰাজ্যৰ সংখ্যালঘূ দৰদী বুলি সকলো দলই কয় যদিও সংখ্যালঘূৰ বাবে কামহে কৰা দেখা নাযায়৷ যাৰ বাবে ৰাজ্যৰ সংখ্যালঘূ এলেকা বিভিন্ন সমস্যাৰে জৰ্জৰিত৷ আজিও পৰিয়াল চলাবলৈ সংখ্যালঘূৱে সংগ্ৰাম কৰিব লগা হয়৷ শিক্ষাৰ কথা কলে হয়তো সংখ্যালঘু অঞ্চলত আজিও শতকৰা ১০গৰাকী শিক্ষিত লোক নোলাব৷ স্বাস্থ্য সেৱাৰ নামত সংখ্যালঘু অঞ্চলত কি হৈ আছে সেয়াও নতুনকৈ কোৱাৰ প্ৰয়োজন নাই।
