যুৱক-যুৱতীয়ে বেছিকৈ মদ খোৱাতো বিচাৰিছে জাপানে! কিন্তু কিয়?

অনলাইন ৰিপ’ৰ্টঃ যি সময়ত ভাৰত তথা অসমত যুৱ প্ৰজন্মৰ অত্যাধিক সুৰাসক্তিক লৈ চৰকাৰ চিন্তিত হৈ পৰিছে সেই সময়ত জাপানত দেশখনৰ চৰকাৰে গ্ৰহণ কৰা এক পদক্ষেপক লৈ সমগ্ৰ বিশ্বজুৰি চৰ্চা চলা পৰিলক্ষিত হৈছে। প্ৰাপ্ত বাতৰি মতে জাপান চৰকাৰে যুৱক-যুৱতীসকলক সুৰাপানৰ বাবে উৎসাহী কৰি তুলিবলৈ অভিযান তীব্ৰতৰ কৰি তুলিছে।

যুৱ-প্ৰজন্মৰ মাজত সুৰাপানৰ হাৰ হ্ৰাস পোৱাৰ পৰিপ্ৰেক্ষিতত দেশখনত ৰাজহৰ পৰিমাণ ব্যাপক হাৰত হ্ৰাস পোৱাৰ পৰিপ্ৰেক্ষিতত এনে সিদ্ধান্ত ল’বলৈ বাধ্য হৈ পৰিছে জাপান চৰকাৰ। চাউলৰ পৰা প্ৰস্তুত কৰা জাপানৰ পৰম্পৰাগত সুৰা ছাকেৰ বিক্ৰীৰ পৰা পোৱা কৰৰ পৰিমাণো যথেষ্ট হ্ৰাস পাইছে।