জেট এয়াৰৱেজৰ নতুন নিয়ম, যাত্ৰীয়ে লগত লৈ যাব পাৰিব মাত্ৰ এটা বেগ

newsnextone.com | ডিজিটেল ডেস্কঃ ভাৰতীয় বিমান সেৱা কোম্পানী জেট এয়াৰৱেজে এইবাৰ যাত্ৰীৰ বাবে এক নতুন নিয়ম প্ৰৱৰ্তন কৰিছে৷ জেট এয়াৰৱেজৰ নতুন নিয়ম অনুসৰি এতিয়াৰ পৰা যাত্ৰীয়ে বিমানত মাত্ৰ এটা ১৫ কিলো ওজনৰ বেগ লৈহে যাত্ৰা কৰিব পাৰিব৷ কিন্তু ইয়াৰ পূৰ্বে যাত্ৰীয়ে ১৫ কিলো ওজনৰ দুটা বা তিনিটা বেগ নিজৰ লগত কঢ়িয়াবলৈ অনুমতি লাভ কৰিছিল৷

আনহাতে, জেট প্ৰিভিলাছ ক্লাছৰ টিকত ক্ৰয় কৰা যাত্ৰীয়ে ১৫ কিলো ওজনৰ দুটা বেগ লৈ যাব পাৰিব আৰু প্ৰিমিয়াৰ ক্লাছেৰে যাত্ৰা কৰা যাত্ৰীয়ে ২৫ কেজি ওজনৰ দুটা বেগ কঢ়িয়াব পাৰিব বুলিও নতুন নিয়ম ঘোষণা কৰিছে জেট এয়াৰৱেজে৷