49
গুৱাহাটীঃ বিশিষ্ট চিন্তাবিদ অধ্যাপক ডঃ হীৰেন গোহাঁইৰ লগতে সাংবাদিক মনজিৎ মহন্ত আৰু সমাজকৰ্মী অখিল গগৈৰ বিৰুদ্ধে চৰকাৰে ৰুজু কৰা দেশদ্ৰোহিতাৰ গোচৰ সৰ্বভাৰতীয় পৰ্যায়ত নিন্দিত হৈছে৷
ডঃ গোহাঁইৰ বিৰুদ্ধে গোচৰ ৰুজু হোৱাৰ পাছতে এই সন্দৰ্ভত প্ৰতিক্ৰিয়া প্ৰকাশ কৰিছে বিশিষ্ট চিন্তাবিদ তথা ‘স্বৰাজ ইণ্ডিয়া’ৰ নেতা অধ্যাপক যোগেন্দ্ৰ যাদৱে৷ তেওঁ কয় যে নাগৰিকত্ব সংশোধনী বিধেয়কৰ জৰিয়তে ভৰতৰ নাগৰিকক হিন্দু আৰু মুছলমান হিচাপে ভাগ ভাগ কৰাৰ চেষ্টা কৰা হৈছে আৰু ইয়াৰ জৰিয়তে দেশক প্ৰৱঞ্চনা কৰা হৈছে, অসমক প্ৰৱঞ্চনা কৰা হৈছে৷ তাতোকৈও ডাঙৰ কথাটো হ’ল, যি অসম চুক্তিৰ জৰিয়তে অসমবাসীক প্ৰতিশ্ৰুতি দিয়া হৈছিল, তাকো নগৰিকত্ব সংশোধনীৰ জৰিয়তে প্ৰৱঞ্চনা কৰা হৈছে৷
