56
গোৰেশ্বৰঃ প্ৰাক্তন ৰঙিয়া মহকুমা আই টি ডি পিৰ অধ্যক্ষ, সমাজকৰ্মী তথা গোৰেশ্বৰ টাউনৰ বাসিন্দা কৈলাশ মজুমদাৰে ৫০ বছৰ বয়সত মঙলবাৰে মৃত্যুক আকোৱালি লয়৷ সোমবাৰে গোৰেশ্বৰ টাউনস্থিত নিজ ঘৰত হঠাৎ অসুস্থ হৈ পৰে প্ৰাক্তন আই টি ডি পি অধ্যক্ষগৰাকী৷ পৰিয়ালৰ লোকে মজুমদাৰক গুৱাহাটী চিকিৎসা মহাবিদ্যালয়ত ততাতৈয়াকৈ ভৰ্তি কৰে৷ কেবাটাও ৰোগত আক্ৰান্ত মজুমদাৰক চিকিৎসাধীন অৱস্থাতে মঙলবাৰে সন্ধিয়া গুৱাহাটী চিকিৎসা মহাবিদ্যালয়ত মৃত্যুবৰণ কৰে৷
মৃত্যুৰ আগমুহূৰ্তলৈকে গোৰেশ্বৰ অঞ্চলৰ বিভিন্ন অনুষ্ঠান-প্ৰতিষ্ঠানৰ সৈতে জড়িত মজুমদাৰে ৮০ৰ দশকত পানেৰী বিধানসভা সমষ্টিত তৃণমুল কংগ্ৰেছৰ হৈ নিৰ্বাচনত অৱতীৰ্ণ হৈছিল৷ পিছলৈ কংগ্ৰেছত যোগজান কৰি অসম প্ৰদেশ কংগ্ৰেছ সমিতিৰ কাৰ্যনিৰ্বাহক পদবীতো কাৰ্যনিৰ্বাহ কৰিছিল৷ অবিভক্ত কামৰূপ জিলা কংগ্ৰেছৰ আগশাৰীৰ নেতা আছিল মজুমদাৰ৷
