কাৰ্বি পাহাৰত দুৰ্নীতিৰ বজাৰ, কাৰ্বি ফাৰ্মাৰ্চ এছচিয়েছনে প্ৰদান কৰিলে সকীয়নি

খেৰণিঃ কাৰ্বি আংলঙৰ বিভিন্ন বিভাগত সংঘটিত বিয়াগোম কেলেংকাৰী সন্দৰ্ভত সততে সক্ৰিয় ভূমিকা পালন কৰি অহা কাৰ্বি ফাৰ্মাৰ্চ এছচিয়েছনে পুনৰ সকীয়নি প্ৰদান কৰিলে কাৰ্বি আংলং প্ৰশাসন তথা পৰিষদ কৰ্তপক্ষ৷ দুৰ্নীতি কোনো কাৰণত সহ্য নকৰাৰ হুংকাৰ প্ৰদান কৰি কৃষক সংগঠনটোৱে বৃহস্পতিবাৰে এখন সংবাদ মেল অনুষ্ঠিত কৰে৷

পশ্চিম কাৰ্বি আংলঙৰ বৈঠালাংছ’ বিধানসভা সমষ্টিৰ খেৰণিৰ কৃষক প্ৰশিক্ষণ কেন্দ্ৰ তথা অতিথিশালাত কাৰ্বি ফাৰ্মাৰ্চ এছচিয়েছনে সংবাদমেল অনুষ্ঠিত কৰি কাৰ্বি আংলঙত উন্নয়ণ আৰু বিকাশৰ নামত সংঘটিত দুৰ্নীতিৰ ৰহস্য ফাদিল কৰে৷