জলমগ্ন কাজিৰঙাত জীৱকূলৰ হাহাকাৰ, হাইলেণ্ড কেতিয়া?

গুৱাহাটী/কাজিৰঙাঃ প্ৰতিবছৰৰ দৰে এইবাৰো বানৰ ফলত মানুহৰ দৰে নাজল-নাথল অৱস্থা হৈ পৰিছে কাজিৰঙাৰ জীৱকূলৰ৷ প্ৰতিশ্ৰুতি অনুযায়ী গঁড় হত্যা ৰোধ কৰিব নোৱাৰা নতুন চৰকাৰখনে বানপানীৰ সময়ত জীৱ-জন্তুৰ বাবে হাইলেণ্ডৰ ব্যৱস্থা কৰাত সম্পূৰ্ণৰূপে ব্যৰ্থ হোৱাৰ পৰিপ্ৰেক্ষিততে এতিয়া ৰাষ্ট্ৰীয় উদ্যানখনত অসহায় হৈ পৰিছে অসম গৌৰৱ গঁড়কে আদি কৰি প্ৰতিটো জীৱ-জন্তু।

১৫ বছৰীয়া কংগ্ৰেছৰ শাসনত কেইবাবাৰো জীৱ-জন্তুৰ বাবে হাইলেণ্ড নিৰ্মাণৰ বাবে যোজা চলাইছিল যদিও সকলোবোৰ ফুটুকাৰ ফেন হৈ থাকিল৷ সৰ্বানন্দ সোণোৱাল নেতৃত্বাধীন বিজেপি মিত্ৰজোঁটৰ চৰকাৰখনেও চৰকাৰ গঠনৰ পাছতে কাজিৰঙা জীৱ-জন্তু ৰক্ষাৰ বাবে ন-ন আঁচনি ঘোষণা কৰিছিল যদিও ৰাষ্ট্ৰীয় উদ্যানখনৰ জীৱ-জন্তুৱে এটুকুৰা ওখ ঠাইৰ বাবে ককবকাবলগীয়াত পৰিছে৷