খাৰুপেটীয়াঃ দৰঙৰ দলগাঁৱৰ ৬ খন ট্ৰাক আৰক্ষীয়ে জব্দ কৰে। ট্ৰাককেইখনৰ নম্বৰ UP 15 DT 8168, UP 4ZBT 4222, UP 4ZBT 4452, UP15 DT 7764, UP HR 37 DT 7896 আৰু UP 4ZBT 2811।

ট্ৰাককেইখন মাৰ্ঘেৰিটাৰপৰা যোগীঘোপালৈ গৈ থকা অৱস্থাত বুঢ়ী গাঁৱৰ দিল্লী ধাবাৰ সন্মুখত ৰখাই থোৱা অৱস্থাত জব্দ কৰে আৰক্ষীয়ে।

চালকে সাংবাদিকক জানিবলৈ দিয়া মতে ট্ৰাক কেইখনৰ চালান তথা কাগজ পত্ৰ ঠিক আছে।

শনিবাৰে আবেলি জব্দ কৰা ট্ৰাককেইখনৰ চালকৰপৰা আৰক্ষীয়ে ৫০ হাজাৰ টকাকৈ দাবী কৰে বুলি চালকে আৰক্ষীৰ বিৰুদ্ধে গুৰুতৰ অভিযোগ তুলিছে। ট্ৰাককেইখন আৰক্ষীয়ে থানাত নিয়াৰ পৰিৱৰ্তে কিয় আজিও লাইন হোটেলৰ সন্মুখতে আৱদ্ধ কৰি ৰাখিছে এই লৈ ৰহস্যৰ সৃষ্টি হৈছে।