79
খেৰণিঃ এটা নৰকসদৃশ অঞ্চল। কি উন্নয়ন আৰু কি বিকাশ হয়তো একো বুজি নাপায় ৰাইজে, কাৰণ উন্নয়ন আৰু বিকাশে আজিও স্পৰ্শ কৰিব পৰা নাই অঞ্চলটোক। উন্নয়ন আৰু বিকাশৰ বিপৰীত দিশত অৱস্থান কৰা অথবা সম্পূৰ্ণ বিপৰীত মেৰুত গতি কৰা কাৰ্বি পাহাৰৰ সেই অঞ্চলটোৰ নাম হৈছে তাৰাপুং৷
অন্য দিশেৰে এই অঞ্চলটোৰ সন্দৰ্ভত অসমৰ অথবা কাৰ্বি আংলঙৰ বহুতো ৰাইজে নাজানে যদিও উন্নয়ন আৰু বিকাশৰ ক্ষেত্ৰত যে অঞ্চলটো পশ্চাদমুখী সেই কথা কিন্তু কাৰ্বি আংলঙৰ অধিকাংশ লোকেই জানে। সৰ্বদিশৰ সমস্যাৰে জৰ্জৰিত হৈ অঞ্চলটোৰ ৰাইজৰ দুৰ্দশা, দুৰৱস্থা, অভাৱ, জীৱন নিৰ্বাহৰ বাবে কৰা উপায় অৱলম্বন আদিৰ দৃশ্য প্ৰত্যক্ষ কৰিলে সকলোৱেই ক্ষোভিত হৈ পৰিব আৰু খঙত সকলোৰে কঁপাল কোচ খাই উঠিব।
