কনক দেউৰী, খেৰণিঃ পশ্চিম কাৰ্বি আংলঙৰ ডংকামোকামত ৰাষ্ট্ৰীয় নাগৰিক পঞ্জীৰ সন্দৰ্ভত হামৰেন জিলা উপায়ুক্তৰ সংবাদমেল। পশ্চিম কাৰ্বি আংলং জিলাত ৰাষ্ট্ৰীয় নাগৰিক পঞ্জীত সৰ্বাধিক লোকৰ নাম অন্তৰ্ভুক্ত হৈছে আৰু বাদ পৰা লোকৰ সংখ্যা কম হ’ব বুলি সোমবাৰে ডংকামোকামত অনুষ্ঠিত হোৱা এক সংবাদ মেলত এনেদৰে মন্তব্য কৰে জিলা উপায়ুক্তই।
লগতে বাদ পৰা লোকসকল আতংকিত হোৱাৰ কাৰণ নাই বুলিও দোহাৰি ভাৰতীয় নাগৰিকৰ প্ৰমাণ থাকিলে পৰৱৰ্তী সময়ত পুনৰ অন্তৰ্ভুক্তৰ সুযোগ লাভ কৰিব বুলিও মন্তব্য কৰে৷
ইয়াৰ উপৰি বায়মেট্ৰিক তথ্য অন্তৰ্ভুক্তিৰ সময়সীমা ৩১ জুলাই বুলি প্ৰকাশ কৰি কৰ্মসূত্ৰে বাহিৰত থকা লোক সকলে নিজৰ আধাৰ নম্বৰৰ জৰিয়তে অন্তৰ্ভুক্ত হ’ব পাৰিব বুলিও ব্যক্ত কৰে উপায়ুক্ত গৰাকীয়ে।
শেহতীয়াকৈ পশ্চিম কাৰ্বি আংলং জিলাত ৰাষ্ট্ৰীয় নাগৰিক পঞ্জীত নাম অন্তৰ্ভুক্তিৰ বাবে মুঠ তিয়াল্লিছ হাজাৰ পাঁচশ লোকৰ আবেদন পত্ৰ ইতিমধ্যে লাভ কৰিছে বুলি প্ৰকাশ কৰাৰ বিপৰীতে ইয়াৰে জিলাখনত থকা ৮ টাকৈ হেয়াৰিং কেন্দ্ৰৰ যোগেদি একচল্লিছ হাজাৰ লোকৰ প্ৰমাণ পত্ৰৰ পৰীক্ষা নিৰীক্ষা কৰি ৰাষ্ট্ৰীয় নাগৰিক পঞ্জীত নাম অন্তৰ্ভুক্তিৰ কামকাজ কৰাৰ লগতে বাকী দুই হাজাৰ পাঁচশ লোকৰ নাম অন্তৰ্ভুক্তিৰ যাৱতীয় কামকাজবোৰ কৰা হৈছে বুলি প্ৰকাশ কৰে জিলা উপায়ুক্তগৰাকীয়ে।