63
গোৰেশ্বৰঃ বাগসা জিলাৰ গোৰেশ্বৰত অপহৰণকাৰীৰ পৰা কৌশলেৰে পলায়ন কৰি প্ৰাণৰক্ষা পৰে এজন লোক। আৰক্ষীয়ে অপহৰণকাৰীসহ উদ্ধাৰ কৰে অপহৰণকাৰীৰ গাড়ী। কামৰূপ জিলাৰ কমলপুৰ থানাৰ অন্তৰ্গত ক’লাজলৰ পৰা তিনিজন চিনাকি লোকে কৌশলেৰে গাড়ীত ভৰাই সংঘটিত কৰিছিল এই অপহৰণ কাণ্ড।
কমলপুৰ থানাৰ অন্তৰ্গত বাইহাটা চাৰিআলি গোৰেশ্বৰ সংযোগী পথৰ ক’লাজলৰ পৰা কমলপুৰৰ খৰিকট গাওঁৰ এজন লোকক কৌশলেৰে অপহৰণ কৰে তিনিজন লোকে। মাটি কিনা বেচাৰ এক লেন-দেনৰ সূত্ৰে খৰিকট গাওঁৰ মঞ্জুল দেৱান নামৰ লোকজনে গোৰেশ্বৰ থানাৰ অন্তৰ্গত বাঙালীপাৰাৰ তাইজুদ্দিন আলীক দিবলগা ৫০ হাজাৰ টকা লৈ ক’লাজলত লগ কৰোতে কৌশলেৰে মঞ্জুল দেৱানৰ গাড়ীত ভৰাই লৈ গোৰেশ্বৰ অভিমুখে লৈ আহে।
