কোকৰাঝাৰৰ আলি শ্বেখে কলা বজাৰত বিক্ৰী কৰিলে সুলভ মূল্যৰ সামগ্ৰী

কোকৰাঝাৰঃ দুৰ্নীতি, ভ্ৰষ্টচাৰ, অনিয়ম দুৰ কৰাৰ প্ৰতিশ্ৰুতি দি শাসনৰ গাদী দখল কৰা চৰকাৰৰ নাকৰ তলতে সংঘটিত হ’ব ধৰিছে এটাৰ পিছত এটা অনিয়ম৷ ৰাজ্য চৰকাৰৰ অন্যতম তথা মিত্ৰজোটৰ অন্যতম অংশীদাৰী দল বিপিএফৰ দখলত থকা বিটিএডিৰ প্ৰতিটো বিভাগত ব্যাপক অনিয়ম সংঘটিত হৈ অহা বুলি অভিযোগ উত্থাপন হৈ আহিছে৷ বিটিএডিতৰ আন ঠাইত নালাগে সদৰ কোকৰাঝাৰত বিটিচি কৰ্তৃপক্ষৰ নাকৰ তলতে দুৰ্নীতিৰ  বিৰুদ্ধে ৰাইজে প্ৰতিবাদ কৰিব লগা হৈছে৷

ৰাজহুৱা যোগান ব্যৱস্থাৰ সামগ্ৰী ৰাইজে লাভ কৰিছে নে নাই এই খবৰ নোলোৱাৰ ফলত একাংশ এজেন্টে ৰাজহুৱা বিতৰণ ব্যৱস্থাৰ সামগ্ৰী বিক্ৰী কৰাৰ অভিযোগ উত্থাপন হৈ আহিছে৷ দীৰ্ঘদিনধৰি সুলভ মূল্যৰ সা-সামগ্ৰী সমূহ দুখীয়া ৰাইজৰ মাজত বিতৰণ নকৰাত আলকাছ আলি শ্বেখ নামৰ এগৰাকী লোকৰ বিৰুদ্ধে ৰাইজে প্ৰতিবাদ সাব্যস্ত কৰিবলৈ ওলাই আহে৷