কলকাতাঃ পশ্চিম বংগত আৰম্ভ হোৱা চিকিৎসকৰ ধৰ্মঘট সমগ্ৰ দেশলৈ বিয়পিবলৈ আৰম্ভ কৰিছে৷ কৰ্মস্থানত চিকিৎসকৰ নিৰাপত্তাৰ দাবীৰে আৰম্ভ হোৱা আন্দোলনক পশ্চিম বংগৰ চৰকাৰে দমন নীতিৰে বন্ধ কৰিবলৈ চেষ্টা কৰাত পৰিস্থিতি হিতে বিপৰীত হৈছেগৈ৷

উল্লেখ্য যে, ১২ জুনত পশ্চিম বংগত চিকিৎসকসকলে হৰতাল আৰম্ভ কৰাৰ পিছতে মহাৰাষ্ট্ৰ আৰু দিল্লীতো হৰতালৰ কাৰ্যসূচী হাতত লয়৷ হৰতাল আৰম্ভ হোৱাৰ ফলত ৰোগীসকলৰ লগতে ৰোগীৰ আত্মীয়ৰ মাজতো হাহাকাৰ লাগে৷ চিকিৎসকৰ আন্দোলনৰ বাবে দেশৰ কেইবাখনো চিকিৎসালয়ৰ চিকিৎসা সেৱা স্তব্ধ হৈ পৰিছে৷ 

আন্দোলনৰ পিছৰে পৰা এইকেইদিনত প্ৰায় ৭০০ চিকিৎসকে পদত্যাগ কৰিছে৷ পশ্চিম বংগৰ মমতা চৰকাৰে গ্ৰহণ কৰা দমন নীতিক সকলোৱে গৰিহণা দিছে৷ দিল্লীস্থিত এইম্চৰ চিকিৎসকসকলে মমতা চৰকাৰক দমন নীতিক কঠোৰ ভাষাৰে সমালোচনা কৰি মুখ্যমন্ত্ৰীগৰাকীক ক্ষমা খুজিবলে আহ্বান জনায়৷

যদিহে মমতা বেনাৰ্জীয়ে ক্ষমা নিবিচাৰে তেন্তে অনিৰ্দিষ্টকাললৈ হৰতালৰ কাৰ্যসূচী হাতত ল’ব বুলি চিকিৎসকসকলে কয়৷
 
মেডিকেল কলেজ আৰু হস্পিতালৰপৰা ১০০ গৰাকী, এচএচকেএমৰপৰা ১৭৫ গৰাকী, চিত্তৰঞ্জন মেডিকেল কলেজৰপৰা ১৬ গৰাকী চিকিৎসকে পদত্যাগ কৰে৷ ইয়াৰোপৰি বিভিন্ন চিকিৎসালয়ৰ পৰা চিকিৎসক সকলে পদত্যাগ কৰে৷
ত্যাগ কৰে৷ 
ইয়াৰোপৰি বিভিন্ন চিকিৎসালয়ৰপৰা চিকিৎসক সকলে পদত্যাগ কৰে৷