ডিমাকুছিত কৰম উৎসৱ উদযাপনৰ প্ৰস্তুতি

শুক্লাইঃ ৰাজ্যখনৰ চাহ জনগোষ্ঠীৰ লোকসকলে কৃষিভিত্তিক উৎসৱ কৰম পূজা ৷ সাৰ্বজনীন পৰম্পৰাগত এই পূজা কৃষিভিত্তিক। সদৌ অসম আদিৱাসী ছাত্ৰ সন্থা চমুকৈ আছাৰ ওদালগুৰি জিলাৰ ডিমাকুছি আঞ্চলিক সমিতিয়ে অহা ২ আৰু ৩ ছেপ্তেম্বৰত দুদিনীয়া কাৰ্যসূচীৰে অনুষ্ঠিত কৰিব এই উৎসৱ৷

আদিৱাসী জনগোষ্ঠীৰ জাতীয় উৎসৱ কৰম উৎসৱৰ আদৰণি সমিতিৰ কাৰ্যালয় দেওবাৰে ডিমাকুছিত উদ্বোধন কৰা হয়। মাংগলিক অনুষ্ঠানৰ মাজেৰে কাৰ্যালয়টি উদ্বোধন কৰে আদৰণি সমিতিৰ সভাপতি অজয় সিং গোঁড়ে।