লখিমপুৰঃ ঈদৰ আনন্দ উল্লাসৰ মাজতে লখিমপুৰত অঘটন৷ ১৫ নং ৰাজপথৰ গণেশ মন্দিৰৰ সমীপত ভয়ংকৰ পথ দুৰ্ঘটনা সংঘটিত হয়৷ দুৰ্ঘটনাত থিতাতে নিহত এজন যুৱক, দুজনৰ অৱস্থা সংকটজনক৷ 

পহুমৰা ফালৰপৰা লখিমপুৰ নগৰলৈ বুলি AS 07-N 2530 নম্বৰৰ এখন স্কুটিৰে গৈ থকা অৱস্থাত ৰাখিথোৱা ট্ৰাকত পিছফালৰপৰা খুন্দা মৰাত এই শোকাৱহ কাণ্ড সংঘটিত হয়৷ নিহত যুৱকজনৰ নাম ৰফিক আলি বয়ষ ২৪ বছৰ৷

সংকটজনক দুই যুৱক ক্ৰমে মহম্মদ আলি আৰু ৰাজেশ বাস্ফৰ উত্তৰ লখিমপুৰ অসামৰিক চিকিৎসালয়ত চিকিৎসাধীন কৰা হৈছে৷ আনহাতে 
তিনিওৰে ঘৰ লখিমপুৰৰ পূৱ চান্দমাৰীত বুলি জানিব পৰা গৈছে৷ 

নিহত ৰফিক আলিক লখিমপুৰ অসামৰিক চিকিৎসালয়ত মৰনোত্তৰ পৰীক্ষাৰ বাবে প্ৰেৰণ কৰে আৰক্ষীয়ে৷ ঈদৰ আনন্দ উল্লাহৰ মাজতে সংঘটিত শোকাৱহ দুৰ্ঘটনাক কেন্দ্ৰ কৰি পৰিয়ালৰ লগতে অঞ্চলবাসীৰ মাজত শোকৰ ছাঁ বিয়পি পৰিছে৷