লখিমপুৰঃ ৭ বছৰীয়া ছাত্ৰ কুৱাৰীৰ দ খাৱৈত পৰি মৃত্যু। জহিং শিল কুৱাৰীৰ JCB য়ে খন্দা খালত পৰি মৃত্যু হয় জহিং ৰ্গীৰ্জা লাইনৰ নিবাসী লাইচন ইন্দোৱাৰৰ পুত্ৰ  "জিকেল ইন্দোৱাৰ" নামৰ তৃতীয় শ্ৰেণীৰ পঢ়ি থকা ৭ বছৰীয়া ছাত্ৰ জনৰ।  

লখিমপুৰ জিলাৰ জহিং শিল কুৱাৰীত JCB ব্যৱহাৰ কৰি দিনে নিশাই শিল বালিৰ ৰমৰমীয়া ব্যৱসায় অব্যাহত ৰাখিছিল কুৱাৰীৰ মহলদাৰ আৰু জহিংৰ বন বিভাগৰ বিট অফিচাৰজনে।

জহিংবাসী ৰাইজে বাৰাম্বাৰ JCB ব্যৱহাৰ নকৰিবলৈ বাধা দি আহিছিল বিট অফিচাৰ আৰু মহলদাৰক। অঞ্চলবাসী ৰাইজৰ বাধাত কেৰেপ নকৰি JCB ৰে বৃহৎ বৃহৎ খাল খান্ধি শিলবালিৰ ব্যৱসায় কাম কৰি গৈছিল৷

কিন্তু তাৰ পৰিণতিত সোমবাৰে জিকেল ইন্দোৱাৰ নামৰ ৭ বছৰীয়া ছাত্ৰ জনে মৃত্যুক আকোৱালি ল’ব লগা হয়৷ অঞ্চলবাসী ৰাইজে জহিং বিট অফিচাৰ আৰু শিল কুৱাৰীৰ মহলদাৰৰ বিৰুদ্ধে ইয়াৰ বিহীত ব্যৱস্থা গ্ৰহণ কৰিবলৈ লখিমপুৰ জিলা প্ৰশাসনক দাবী জনায়৷