গোসাঁইগাঁওঃ ৰাজ্যৰ প্ৰাক্তন মন্ত্ৰী তথা আদিবাসী জনগোষ্ঠীৰ একালৰ শক্তিশালী নেতা তথা কংগ্ৰেছৰ বৰ্ষীয়ান নেতা মিথিয়াছ টুডুৰ কালি পশ্চিমবংগৰ কোচবিহাৰস্থিত শুভম হাস্পতালত মৃত্যু হয়।
আজি নেতাগৰাকীৰ নশ্বৰ দেহ গোসাঁইগাঁৱৰ গ্ৰাহামপুৰস্থিত নিজ বাসভৱন আহি পোৱাৰ পাছতে এক শোকাকুল পৰিবেশৰ সৃষ্টি হয়৷ নেতা গৰাকীৰ নশ্বৰ দেহ বাসভৱনত অন্তিম শ্ৰদ্ধাৰ বাবে ৰখা হয়।
পুৱাৰে পৰা জাতি-ধৰ্ম-বৰ্ণ নিৰ্বিশেষে বিভিন্ন দল সংগঠনৰ নেতা কৰ্মী তথা তেওঁৰ অসংখ্য গুণমুগ্ধই ভিৰ কৰে টুডুৰ বাসগৃহত৷
স্থানীয় বিধায়ক মাজেন্দ্ৰ নাৰ্জাৰী, গোসাঁইগাঁও নগৰ সমিতিৰ অধ্যক্ষ ধ্ৰুৱজ্যোতি নাৰ্জাৰী ব্ৰহ্ম, আকমাৰ অধ্যক্ষ জাব্ৰিয়াছ খাখা, আদিবাসী জনগোষ্ঠীৰ দল-সংগঠনৰ নেতা-কৰ্মী তথা কংগ্ৰেছ দলৰ বিভিন্ন প্ৰান্তৰ নেতা-কৰ্মীয়ে শেষ শ্ৰদ্ধা জ্ঞাপন কৰে। খ্ৰীষ্টান ধৰ্মীয় পৰম্পৰাৰে শেষকৃত্য সম্পন্ন কৰা হ’ব নেতাগৰাকীৰ।