ডিগবৈত বনৰীয়া হাতীৰ আক্ৰমণত এজন লোকৰ মৃত্যু

উজ্জ্বল চৌধুৰী, লিডুঃ ৰাজ্যত এতিয়া ভয়াৱহভাৱে বৃদ্ধি পাবলৈ ধৰিছে হাতী-মানুহৰ সংঘাত৷ অন্যান প্ৰান্তৰৰ সমান্তৰালকৈ তিনিচুকীয়া জিলা ডিগবৈৰ বিভিন্ন প্ৰান্তৰত বনৰীয়া হাতীৰ উপদ্ৰপ ৰাইজৰ বাবে  এক প্ৰকাৰৰ অভিশাপ স্বৰুপ হৈ পৰিছে৷

পুনৰ বনৰীয়া হাতীৰ আক্ৰমণত এজন লোকৰ মৃত্যুৰ বাতৰিয়ে অঞ্চলটোত গভীৰ চাঞ্চল্যকৰ সৃষ্টি কৰিছে৷ যোৱা নিশা বনৰীয়া হাতীৰ আক্ৰমণত মৃত্যু হোৱা লোকজনৰ নাম গকুল চেত্ৰী (৪৫) বুলি জানিব পৰা গৈছে৷