50
মাৰ্ঘেৰিটাঃ আসাম ৰাইফলচৰ অভিযানত জালত পৰিল গোৰ্খা লিবাৰেচন আৰ্মীৰ লেফটেনেন্ট ৰাজেশ লামা৷ ৰাজেশ লামাক শুকুৰবাৰে অসম-অৰুণাচল সীমান্তৱৰ্তী মাৰ্ঘেৰিটা মহকুমাৰ জাগুণৰ ৰামপুৰ পাঁচ মাইলৰ পৰা আসাম ৰাইফলচে আটক কৰিবলৈ সক্ষম হয়৷
গোলাঘাট জিলাৰ ১ নং চুঙাজানৰ বাসিন্দা ৰাজেশ লামাক জালত পেলাবলৈ সেনাই দীৰ্ঘদিনধৰি চেষ্টা অব্যাহত ৰাখিছিল ৷ সেনাই ধৃত উগ্ৰপন্থীজনৰ পৰা এটা নাইন এম এম পিষ্টল, পাঁচ জাই সজীৱ গুলী, আসাম ৰাইফলচৰ এখন ভূৱা পৰিচয় পত্ৰ, ধনদাবী কৰা কেইবাজনো ব্যক্তিৰ নাম সম্বলিত মুঠ ৭৪ লাখ টকাৰ পেডত লিখা তালিকা, এটা মোবাইল ফোন সহ বহুতো আপত্তিজনক নথি পত্ৰ উদ্ধাৰ কৰে৷
