ডিফুঃ দেশৰ ক্ষুদ্ৰ আৰু মজলীয়া কাকতগোষ্ঠীসমূহৰ উমৈহতীয়া সংগঠন "সৰ্বভাৰতীয় ক্ষুদ্ৰ আৰু মজলীয়া কাকত গোষ্ঠী"ৰ কেন্দ্ৰীয় কাৰ্য্যনিৰ্বাহকত স্থান লাভ কৰিছে অসমৰ এগৰাকী সাংবাদিকে।
জাৰ্ণালিষ্ট ফেডাৰেছন অফ আছাম চমুকৈ জাফাৰ ৰাজ্যিক সভাপতি লনচিং টেৰণক ৰাষ্ট্ৰীয় পৰ্যায়ৰ ক্ষুদ্ৰ আৰু মজলীয়া কাকত গোষ্ঠীৰ সাংগঠনিক সম্পাদকৰ দায়িত্ব অৰ্পণ কৰে৷
ডিফুৰ বাসিন্দা লনচিঙক এই দায়িত্ব অৰ্পণ কৰাত ডিফুৰ সাংবাদিকসকল উফুল্লিত হৈ পৰিছে। উত্তৰাখণ্ডৰ মুচৌৰীত অনুষ্ঠিত সৰ্বভাৰতীয় ক্ষুদ্ৰ আৰু মজলীয়া কাকত গোষ্ঠীৰ এখন সভাত সংগঠনটোৰ সাংগঠনিক সম্পাদকৰ দায়িত্ব অৰ্পণ কৰা হয় টেৰণক৷
সাংগঠনিক সম্পাদকৰ দায়িত্ব অৰ্পণ কৰাৰ লগতে সংগঠনটোৰ ৰাষ্ট্ৰীয় সভাপতি কে ডি চাণ্ডলা, সচিব প্ৰধান অশোক চতুৰ্বেদী, সম্পাদক অজিত মালহোত্ৰা আৰু আৰিফ জামালে অসমৰ সাংবাদিকগৰাকীক সম্বৰ্ধনা জনায়৷
লনচিং টেৰণে পাহাৰীয়া জিলাখনৰ পৰা পৰ্যায়ক্ৰমে জাফাৰ ৰাজ্যিক সভাপতিৰ পৰা ৰাষ্ট্ৰীয় পৰ্যায়ত অসমৰ সাংবাদিকৰ সমস্যাসমূহ উত্থাপন কৰি আহিছে৷