82
মাজুলীঃ মাজুলীৰ চিকিৎসা খণ্ডত চলিছে চৰম অৰাজকতা। মুখ্যমন্ত্ৰীৰ গৃহ সমষ্টি তথা নৱ গঠিত জিলাখনত দুই লাখ লোকৰ বিপৰীতে আছে মাত্ৰ এখনেই ১০০খন বিছনাযুক্ত চিকিৎসালয়। কেৱল সিমানেই নহয়, পীতাম্বৰ দেৱগোস্বামীৰ নামত স্থাপিত ১০০খন বিছনাযুক্ত এইখন মহকুমা অসামৰিক চিকিৎসালয়ত নাই এজনো চিকিৎসক।
ফলত বছৰৰ পিছত বছৰ ধৰি দুৰ্ভোগ ভুগি আহিছে জিলাখনৰ দুখীয়া পৰিয়ালৰ লোকসকলে। শল্য, চকু বিশেষজ্ঞকে ধৰি বহু বিভাগীয় চিকিৎসক নথকাত মাজুলীৰ বাহিৰত গৈ ৰোগীয়ে চিকিৎসা গ্ৰহণ কৰিব লগা হৈছে৷ গড়মূৰ অসামৰিক চিকিৎসালয়খনতো চিকিৎসাৰ উন্নত সা-সুবিধা নথকাত বিপদত পৰিছে ৰোগী।
