indiatimes.
newsnextone.com | ডিজিটেল ডেস্কঃ ঝাৰখাণ্ড-ছট্টিছগড় সীমান্তৰ গাঁৰওৱাত মঙলবাৰে মাওবাদীয়ে পুতি থোৱা লেণ্ড মাইন বিস্ফোৰণ হৈ নিৰাপত্তাবাহিনীৰ ৬গৰাকী জোৱান শ্বহীদ হয়৷ নিহত আটাইকেইজন জোৱান জাগুৱাৰ বাহিনীৰ বুলি জানিব পৰা গৈছে৷ আহত হয় ১০গৰাকী জোৱান৷ মাওবাদীৰ বিৰুদ্ধে অভিযান চলাই থকা কালতে সংঘৰ্ষ লাগে আৰু সংঘৰ্ষৰ কালত লেণ্ডমাইন বিস্ফোৰণ হৈ মৃত্যু হয় জোৱানসকলৰ৷
গাঁৰওৱা জিলাৰ উপায়ুক্ত নেহা আৰোৰাই জানিবলৈ দিয়া মতে, ঝাৰখাণ্ডৰ বুৰহা পাহাৰত মাওবাদীৰ সৈতে নিৰাপত্তাৰক্ষীৰ সংঘৰ্ষ লাগে৷ সংঘৰ্ষৰ সময়ত মাইণ্ড বিস্ফোৰণ হয় তাৰ পিছতে ৪গৰাকী জোৱান নিহত আৰু দুগৰাকী মাওবাদীৰ গুলীত নিহত হয়৷
ঝাৰখাণ্ডৰ পাহাৰ অঞ্চল মাওবাদীৰ বাবে নিৰাপদ ঘাটি হৈ পৰিছে৷ পাহাৰ সমূহ মাওবাদীৰ পৰা মুক্ত কৰাৰ বাবে জাগুৱাৰ বাহিনীয়ে নিতৌ অভিযান অব্যাহত ৰাখিছে৷