মাৰ্ঘেৰিটাঃ বহু বিতৰ্কিত জাতিধ্বংসী নাগৰিকত্ব সংশোধনী বিধেয়ক বুধবাৰে ৰাজ্য সভাত গৃহীত নোহোৱাত মাৰ্ঘেৰিটাত আনন্দত আত্মহাৰা হৈ পৰে আছুৰ নেতাকৰ্মী৷
মাৰ্ঘেৰিটাৰ সেগুনবাৰী তিনি আলীৰ ৩৮ নং ৰাষ্ট্ৰীয় ঘাইপথত ফটকা ফুটাই সংগঠনটোৰ নেতৃবৃন্দই বিজয় উৎসৱ পালন কৰে৷ মাৰ্ঘেৰিটা নগৰত ফটকা ফুটাই জয় আই অসম ধ্বনীৰে আনন্দৰ বহিঃপ্ৰকাশ ঘটাই মাৰ্ঘেৰিটা আঞ্চলিক ছাত্র সন্থা৷
অন্যায়ৰ বিৰুদ্ধে এই বিজয় অসম তথা উত্তৰ-পূৰ্বাঞ্চলৰ খিলঞ্জীয়াৰ নৈতিক জয় বুলি মন্তব্য কৰে সংগঠনটোৰ কৰ্মীসকলে৷ সমগ্ৰ ৰাজ্য বাসীৰ লগতে উত্তৰ-পূৰ্বাঞ্চলৰ কেইবাখনো ৰাজ্যত ধাৰাবাহিক আন্দোলনৰ ফলশ্ৰুতিতেই বিজেপি নেতৃত্বাধীন কেন্দ্ৰীয় চৰকাৰে বিধেয়ক খন ৰাজ্য সভাত গৃহীত কৰিবলৈ নোৱাৰিলে বুলি দাবী কৰে সংগঠনটোৱে।