শিৱসাগৰত একত্ৰিত হ’ব অসমৰ গাঁওবুঢ়া, লব পাৰে আন্দোলন কৰাৰ সিদ্ধান্ত

জয়সাগৰঃ অসমৰ গাঁওবুঢ়াসকলে বছৰ বছৰ ধৰি বিভিন্ন দাবী উত্থাপন কৰি দাবী সমূহ পূৰণ কৰাৰ বাবে চৰকাৰক হেঁচা প্ৰয়োগ কৰি আহিছে৷ দিনে-নিশাই সমাজ খনৰ বাবে জাগ্ৰত প্ৰহৰীৰ দৰে কাম কৰা গাঁওবুঢ়াসকলে সামান্য দৰমহাৰে পৰিয়াল চলাবলগীয়া হয়৷

নিতৌ আৰক্ষী থানা, ৰাজচক্ৰ কাৰ্যালয়, মহকুমাধিপতিৰ কাৰ্যালয়ত সভা-সমিতি কৰি ব্যস্ত হৈ থকা গাঁওবুঢ়াসকলে সামন্য টকাৰে পৰিয়াল চলাবলগীয়া হোৱাত ব্যাপক সমস্যাত পৰে৷ বিভিন্ন সময়ত ৰাজ্যৰ গাঁওবুঢ়াসকলে চৰকাৰক তেওলোকৰ সমস্যা সমূহ সমাধানৰ বাবে দাবী জনাই আহিছে যদিও চৰকাৰে গুৰুত্ব আৰোপ কৰা নাই৷