বন্যহস্তীৰ আক্ৰমণত নিহত মহিলাৰ পৰিয়াললৈ উপযুক্ত ক্ষতিপূৰণ বিচাৰি বনমন্ত্ৰীলৈ আছুৰ স্মাৰকপত্ৰ প্ৰেৰণ

newsnextone.com | কাৰ্বি আংলংঃ যি সময়ত বন্যহস্তী আৰু মানুহৰ সংঘাতে ৰাজ্যখনত চৰম ৰূপ পাইছে, ভুক্তভূগী সাধাৰণ ৰাইজে নিজৰ জীৱন আৰু সম্পত্তিৰ নিৰাপত্তাৰ বাবে বনবিভাগৰ শৰণাপন্ন হবলগীয়া হৈছে, সেই সময়তে বিভাগটোৰ অসহায় অৱস্থা প্ৰকট হৈ পৰিছে সৰ্বসাধাৰণ জনতাৰ ওচৰত৷ কাৰ্বি আংলং স্বায়ত্ব শাসিত পৰিষদৰ অন্তৰ্গত বন বিভাগে বন্যহস্তী খেদিবলৈ যে অপৰাগ সেয়া বিভাগীয় কৰ্মচাৰীয়ে নিজমুখেই স্বীকাৰ কৰিছে ভুক্তভোগী ৰাইজ আৰু সংবাদ মাধ্যমৰ ওচৰত৷ 

উল্লেখ্য যে, পাহাৰীয়া জিলা কাৰ্বি আংলংৰ বোকাজানতো অব্যাহত আছে বন্য হস্তীৰ তাণ্ডৱ। বোকাজান মহকুমাৰ বিভিন্ন স্থানত সঘনাই বনাঞ্চলৰ পৰা বন্যহস্তী ওলাই আহি জনবসতিপূৰ্ণ স্থানত তাণ্ডৱৰ সৃষ্টি কৰা দৃশ্য এতিয়া সহজলভ্য হৈ পৰিছে৷ প্ৰতিদিনে মানুহৰ বাৰীত, ঘৰ অথবা কৃষি পথাৰত উপদ্রপ চলাই সাধাৰণ কৃষকৰ নিদ্ৰা হৰণ কৰিছে বন্যহস্তীৰ জাকে৷