বৰপেটাঃ নামনি অসমৰ বাণিজ্য প্ৰধান চহৰ বৰপেটা ৰোডৰ হমীপৰ মেছপাৰাত সোমবাৰে দিন দুপৰতে তিনিজন গভাইত চোৰক ৰাইজে আটক কৰিবলৈ সক্ষম হয়৷ 

জানিব পৰা মতে, চোৰ তিনিটায়ে মাজগাওঁৰ পশ্চিমপাৰাৰ এটি ঘৰত পৰিয়ালৰ লোক নথকাৰ সুযোগ লৈ তলা ভাঙি দিনৰ দহ টা মান বজাত সোমায়৷ এই কথা চুবুৰীয়া গম পাই খেদি অহাত তিনিও লগত অহা বাইকখনৰে পলাবলৈ চেষ্টা কৰে যদিও তিনিওকে ৰাইজে আটক কৰিবলৈ সক্ষম হয়৷ চোৰ তিনিটা হৈছে- বাঘবৰৰ মিলিজুলিৰ চাইফুল ইছলাম(২৪), তৰফ (২৮) আৰু শ্বাহজাহান (৩১)৷ 

পিছত তিনি চোৰকে ভবানীপুৰ আৰক্ষীক গতাই দিয়ে ৰাইজে৷