13 Apr

গণ ধৰ্ষণ, ভিডিঅ’ টুইট কৰি কি কলে নাৰী শিশু কল্যাণ মন্ত্ৰী মানেকা গান্ধীয়ে?

By NNO WEB BUREAU 0 Comments

ডিজিটেল ডেস্কঃ গণ ধৰ্ষণে দেশ কঁপোৱাৰ সময়তে শুকুৰবাৰে দেশৰ বিশিষ্ট সমাজকৰ্মী তথা কেন্দ্ৰীয় নাৰী শিশু কল্যাণ মন্ত্ৰী মানেকা গান্ধীয়ে এটি ভিডিঅ’ প্ৰচাৰ কৰে৷ ভিডিঅ’ প্ৰচাৰ কৰি জম্মু কাশ্মীৰৰ শিশু ধৰ্ষণৰ ঘটনাক লৈ আহত বুলি কয়৷ 

মানেকা গান্ধীয়ে ১২ বছৰতকৈ কম বয়সৰ কোনো শিশুৰ সৈতে এনে কাণ্ড সংঘটিত হলে যাতে অপৰাধীক মৃত্যুদণ্ড দিয়া হয় তাৰে কামনা কৰে৷ কেন্দ্ৰীয় চৰকাৰক এই কথা জনাব বুলি জানিবলৈ দিয়ে ভিডিঅ’ যোগে৷

উত্তৰ প্ৰদেশৰ উন্নাও আৰু জম্মু কাশ্মীৰৰ কাঠুৱাৰ কিশোৰী-শিশু ধৰ্ষণ-হত্যা কাণ্ডই দেশ উত্তাল কৰি ৰাখিছে আৰু চৌদিশে প্ৰতিবাদ অব্যাহত হৈছে৷ সেই সময়তে শুকুৰবাৰে দিনৰ ভাগত এই ভিডিঅ’ ছচিয়েল মিডিয়া যোগে প্ৰচাৰ কৰে মন্ত্ৰী মানেকাই৷ 

মানেকাই কয় ‘‘কাঠুৱা আৰু দেশৰ বিভিন্ন প্ৰান্তত সংঘটিত হৈ অহা ধৰ্ষণৰ ঘটনাত আমি আহত৷ নাৰী আৰু শিশু কল্যাণ মন্ত্ৰালয়ৰ সৈতে পৰামৰ্শ লৈ আগন্তুক দিনত আমি পস্কো আইন পৰিৱৰ্তন কৰিম৷ ১২ বছৰৰ শিশুক কোনোৱে ধৰ্ষণ কৰিলে শাস্তি যাতে মৃত্যু দণ্ড হয়, তাক আমি নিশ্চিত কৰিম৷’’