newsnextone.com | মৰিয়নীঃ যোৰহাট জিলাৰ মৰিয়নী সমষ্টিৰ বিধায়ক ৰূপজ্যোতি কুৰ্মীয়ে শুকুৰবাৰে আঁঠু কাঢ়ি ৰাইজক ক্ষমা বিচৰা কাৰ্যই তীব্ৰ চাঞ্চল্যৰ সৃষ্টি কৰিছে মৰিয়নীত৷
জানিব পাৰ মতে, শুকুৰবাৰে যোৰহাট জিলাৰ মৰিয়নী নকচাৰি আদৰ্শ চিকিৎসালত পুৱাৰ ১০ বজালৈ চিকিৎসক উপস্থিত নথকাত একাংশ ৰাইজে উত্তপ্ত পৰিস্থিতিৰ সৃষ্টি কৰে৷
এই খবৰ লাভ কৰে বিধায়ক কুৰ্মীয়ে৷ তাৰ পিছতে বিধায়কে চিকিৎসালয়ত উপস্থিত হয় আৰু চিকিৎসকক প্ৰত্যক্ষ নকৰি ক্ষোভিত হৈ পৰে৷ কিছু সময় পিছত চিকিৎসক আহি উপস্থিত হৈ কোঠাত সোমোৱাৰ পিছতে পিছে পিছে যায় বিধায়কগৰাকীয়ে৷ চিকিৎসকৰ সন্মুখতে ৰোগীক আঁঠুকাঢ়ি ক্ষমা বিচাৰে বিধায়কগৰাকীয়ে৷
বিধায়কগৰাকীয়ে কয় ‘‘মই বিধায়ক হিচাপে ক্ষমা বিচাৰিছোঁ৷ মই বিজেপি মিত্ৰজোঁটৰ চৰকাৰক ক্ষমা বিচাৰিছোঁ৷ আপোনালোকে চিকিৎসকৰ নামত কলংক৷ ডাক্তৰৰ নামত কলংক বুলি কলে ভলকৈ কোৱা নহ’ব৷ মানুহৰ তেজ খাবলৈ এই ডিগ্ৰীটো লৈছে৷’’
মৰিয়নীৰ বিধায়ক ৰূপজ্যোতি কুৰ্মীৰ মৰিয়নী নকচাৰি আদশ চিকিৎসালয় ৰোগীক আঁঠুকাঢ়ি ক্ষমা বিচাৰে৷ ১০ বজাৰ পিছতোঁ চিকিৎসালয়ত চিকিৎসক উপস্থিত নথকাত একাংশ ৰোগীৰ আত্মীয়ই উত্তপ্ত পৰিস্থিতিৰ সৃষ্টি কৰাত চিকিৎসালয়খনৰ উন্নয়ন সমিতিৰ সভাপতি তথা স্থানীয় বিধায়কগৰাকীয়ে ৰোগীক ক্ষমা বিচাৰে।