58
মৰিগাওঁঃ মৰিগাঁৱৰ সাহিত্যৰথী লক্ষ্মীনাথ বেজবৰুৱা সমন্বয় ক্ষেত্ৰত অহা ৬ ফ্ৰেব্ৰুৱাৰীৰপৰা ৯ ফ্ৰেব্ৰুৱাৰীলৈ অনুষ্ঠিত হ’বলগীয়া ৮৮ সংখ্যক শ্ৰীমন্ত শংকৰদেৱ সংঘ অধিৱেশনৰ উখল-মাখল পৰিৱেশেৰ মাজতে শুকুৰবৰে অধিৱেশনৰ প্ৰস্তুতিৰ বুজ ল’লে অসম চৰকাৰৰ জনস্বাস্থ্য কাৰিকৰী বিভাগৰ মন্ত্ৰী ৰিহন দৈমাৰীয়ে৷
মন্ত্ৰীগৰাকীয়ে দুপৰীয়া অধিৱেশনস্থলীত উপস্থিত হৈ আদৰণি সমিতিৰ বিষয়ববীয়াৰে অধিৱেশনৰ প্ৰস্তুতি সম্পৰ্কে আলোচনা কৰে৷ ইতিমধ্যে অধিৱেশনস্থলীত যুদ্ধকালীনভাৱে নিৰ্মাণকাৰ্য চলি থকা মুল মণ্ডপ, শিবিৰ, নামঘৰ, অতিথিশালা, ভোজনালয়, গ্ৰন্থমেলাস্থলী আদি পৰিদৰ্শন কৰি মন্ত্ৰী দৈমাৰীয়ে প্ৰয়োজনীয় সকলো সহায়-সহযোগিতা চৰকাৰৰ তৰফৰপৰা আগবঢ়াব বুলি উল্লেখ কৰে৷
