মন্ত্ৰীৰ মতে-১, মেঘাই জাৰণি, ৰহা, গোৰেশ্বৰ, ৰঙাপাৰাত আছে উন্মুক্ত মথাউৰি

গুৱাহাটীঃ বাৰিষা আহিলেই নৈ পৰীয়া ৰাইজ শংকিত হৈ পৰে৷ জানোচা নিদ্ৰাৰত অৱস্থাতেই বেৰৰ জলঙাৰে নৈখন বৈ যায়৷ যদি কাঢ়ি লৈ যায় চিৰদিনৰ বাবে আইৰ নিচুকণি গীতবোৰ…৷

বাৰিষাৰ বানলৈ মাজত আৰু কিমান দিন বাকী৷ ৰাজ্যত যোৱাটো বানে মষিমুৰ কৰি নিয়া পথাৰবোৰ, ঘৰবোৰ আকৌ এবাৰ থন ধৰি উঠিছিলহে মাথো৷ এটা বছৰ হ’ল কি নহ’ল, আকৌ এবাৰ বাৰিষাৰ বানত উটি ভাহি নিশেষ হ’বলৈ সাজু হবৰ হ’ল অসমীয়াৰ৷